Ordsmeden: Ocean Vuong

Den vietnamesisk-amerikanske forfattaren og poeten Ocean Vuong samanliknar rolla til poeten med den til skulptøren og målaren. Poeten skulpterer og målar med språket, som i poesien er i si mest tøyelege form, seier han.

Vuong er forfattar av dei prisvinnande diktsamlingane Natthimmel med kulehòl og Tida er ei mor, begge til norsk ved Mathias Samuelsen. I år kom han med ny roman, Keiseren av lykken (til norsk ved Bjørn Alex Herrman), der språket óg ber preg av den poetiske sida hans. Han er for tida professor i moderne poesi og poetikk ved New York University.

Tidlegare har Vuong trekt fram poetar som Arthur Rimbaud, Emily Dickinson, Federico García Lorca og Anne Carson som inspirasjonskjelder då han fyrst byrja å skrive. Denne kvelden vil Vuong lese både eigne dikt og dikta til nokre av poetane som har vore viktige for hans eiga skriving. Gjendiktar Mathias Samuelsen les Vuongs dikt i norsk språkdrakt undervegs.